அறிவுக்கான தேடல்.

கழுகு(Eagle). பறவையினங்களின் அரசன் என்று அழைக்கப்படும் உயிருனம் கழுகுகளாகும். உலகத்தில் மொத்தமாக 60 - 70 வகையான கழுகினங்கள் உள்ளன. கழுகுகள் அதிகளவில் ஆபிரிக்க பிரதேசங்களில் வாழ்கின்றன. அமெரிக்கா, பிலிப்பைன்ஸ் ஆகிய நாடுகளின் தேசியப்பறவையாக கழுகு உள்ளது.  வெண்டலைக் கழுகு, பொன்னங்கழுகு, கடல் கழுகு, பருந்து, வல்லூறு, பிணந்தின்னி கழுகு அல்லது கருங்கழுகு, பாறு, பனவை, எழால், கங்கு, கூளி, பூகம், கங்கம் என பல்வேறுவகையான கழுகுகள் உள்ளன. சுமார் 70ஆண்டுகள் உயிர் வாழக்கூடிய உயிரினம் கழுகுகளாகும். கழுகுகள் சாதாரணமாக நிலப்பரப்பில் இருந்து 10,000 அடி உயரம் வரை பறக்கக் கூடுயவை. அவற்றுள் சில கழுகுகள் 15,000அடி வரை கூட பறக்கக் கூடும். சில கழுகுகள் 3அடி உயரமும் 7அடி நீளமும் கொண்ட பெரிய பறவையினமாக இருக்கும். இருப்பினும் ஒவ்வொரு கழுகும் ஒவ்வொரு அளவில் இருக்கும். கழுகள் உண்ணும் உணவை வைத்து வகைப்படுத்தப்பட்டுள்ளன. பாம்பு உண்ணும் கழுகு, மீன் உண்ணும் கழுகு. கழுகு தனது இறக்கை, கூரிய நகங்கள் , அலகு மற்றும் கண்களின் துணையுடனே தமது வேட்டை பயணத்தை  தொடங்குகின்றன. கழுகுகளின் கண்கள் மனித கண்களை விட 4 - 8 மடங்கு துள்ளி

மிளகு(Pepper). மிளகின் பிறப்பிடம் தென்னிந்தியா வாகும். சுமார் 2000 ஆண்டுகளுக்கு முன் இருந்து மிளகு சித்த மருத்துவத்தில் பயன்படுத்தப்பட்டு வந்துள்ளது. பண்டைய காலங்களில் மிளகு "கரங்கறி" என்று அழைக்கப்பட்டது. முதன் முதலில் தமிழர்களால் மிளகுகண்டுபிடிக்கப்பட்டது. மிளகின் உண்மையான பெயர் பிப்பாலி அதன் மறுவல் தான் கிரேக்கத்தில் பிப்பர் என்றாகி இன்று ஆங்கிலத்தில் பெப்பர் என்று அழைக்கப் பெறுகிறது.  குறிப்பாக கேரளாவில் தான் மிளகு பயிரிடக்கூடிய காலநிலை கானப்படுகிறது. தற்போது மிளகு உற்பத்தியில் வியட்நாம் முதல் இடத்தில் உள்ளது. அதற்கடுத்து இந்தோனேசியா, இந்தியா, பிறோசில், சீனா ஆகிய நாடுகள் காணப்படுகின்றது. இலங்கையிலும் மிளகு பயிரிடப்பட்டு வருகிறது. குறிப்பாக சேர, சோழ காலப்பகுதியில் முக்கியத்துவம் பெற்ற வணிகப் பொருட்களுள் மிளகு முக்கிய இடத்தைப் பெற்றுள்ளது. சேரகாலப்பகுதியில் சிறப்படைந்த முசிறி துறைமுகம் தான் மிளகின் நுழைவாயிலாகக் காணப்பட்டது. இங்கிருந்தே யவனர்கள் மிளகினை பொன் கைடுத்துப்  பெற்றுச் சென்றுள்ளனர். இதனை எட்டுத்தொகைபாடல் சான்றளிக்கின்றது. "அரிது செய் விழுப் பொருள் எளிதினின் ப

சிங்கம்(Lion). சிங்கம் என்பது பாலூட்டி வகையைச் சேர்ந்து ஆகும். காட்டுக்கே ராஜா என்ற பெருமையைப் பெற்ற விலங்கு, பெரிய பலசாலி என்றும் பெயரெடுத்த விலங்கு சிங்கம் தான். பூனைக் குடும்பம் என்றழைக்கப்படும் விலங்கின வகையில் சிங்கமும் ஒன்று. உலகத்தில் மிக அதிகமாக வாழும் இந்த வகை விலங்குகளில் சிங்கத்துக்கு இரண்டாம் இடம்.  சிங்கம் அடர்ந்த காடுகளை விரும்பாமல் அடர்த்தி குறைந்தஇலையுதிர்க்காடுகளில் வாழ்வதையே விரும்பும். ஆண் சிங்கம் சுமார் 150kg முதல் 250kg எடை கொண்டதாக இருக்கும். ஆப்பிரிக்க வகை சிங்கங்களின் எடை சுமார் நூற்றுத்தொண்ணூறு கிலோ இருக்கும். உலகத்திலேயே மிக அதிக எடை கொண்ட சிங்கத்தின் எடை 312 கிலோவாக இருந்தது. இது கின்னஸ் சாதனைப் புத்தகத்தில் பதிவாகி உள்ளது. பெண் சிங்கங்கள் பொதுவாக உருவத்தில் சிறிதாகவும் எடை குறைந்தவையாகவும் இருக்கும். அவை சுமார் நூற்று பதினேழு முதல் நூற்று அறுபத்து ஏழு கிலோ எடை கொண்டவையாக இருக்கும். பொதுவாக சிங்கங்கள் பத்து முதல் பதினான்கு ஆண்டு வரை உயிர் வாழக் கூடியவை. தகுந்த பாதுகாப்புடன் இருப்பின் இருபது வயது வரைகூட ஆயுட்காலம் நீடிக்கும். கடந்த இரண்டாம் நூற்றாண்டு வரை ஐரோப

எறும்பு தின்னி(Pangolin). எறும்பு தின்னியின் செதில்கள் கடினமானவை. இதன் ரோமங்கள் இயற்கையாகவே ஒன்றாகி செதில்களாக மாறுகின்றன. நீளவாக்கிலே 11லிருந்து 13 வரைக்கும் வரிவரியாக பெரிய செதில்கள் ஒன்றின் மேல் ஒன்றாக அடுக்கி வைத்த மாதிரி பழுப்பு மற்றும் மஞ்சள் நிறத்தில் முக்கோணமாக கூர்மையாக இருக்கும். பாரம்பரிய சீன மருத்துவத்தில் எறும்பு தின்னியின் செதில்கள் பயன்படுத்தப்படுகின்றன. அத்துடன், சீனா, வியட்நாம் போன்ற இடங்களில் எறும்பு தின்னிகளின் இறைச்சி உண்ணப்படுகிறது. ஆசியாவில் நான்கு வகையான எறும்பு தின்னிகள் உள்ளன. அவை இந்திய எறும்பு தின்னி, பிலிப்பைன் எறும்பு தின்னி, சுண்டா எறும்பு தின்னி மற்றும் சீன எறும்பு தின்னி , ஆப்ரிக்க மத்திய ரேகை பகுதியில் உள்ள மழைக்காடுகள் மற்றும் புல்வெளிகளில் காணப்படும் ராட்ச எறும்பு தின்னி  இவை 1.8 மீட்டர் நீளமும் 30 கிலோ எடையும் கொண்டவை.  புலி போன்ற விலங்குகளுக்கு எறும்பு தின்னியை சாப்பிட மிகவும் பிடிக்கும் எதிரிகள் தாக்க வந்தால் மரவட்டை மாதிரி சுருண்டு படுத்துக்கொண்டு செதில்களை மேல் நோக்கி செங்குத்தாக வைத்துக் கொண்டு மிகவும் மோசமான வாசணையுடன் இருக்கின்ற மஞ்சள் திரவம்

முள் சீத்தாப்பழம்(soursop). முள் சீத்தாப்பழத்தின் தாயகம் அமெரிக்காவின் பிரேஸில் நாட்டு பகுதியை சார்ந்த அமேசான் காடுகள் ஆகும். பிலிபைன்ஸ், மலேசியா, மெக்சிகோ, ஆப்பிரிக்கா மற்றும் தென்கிழக்கு ஆசிய நாடுகளில் பயிர் செய்யப்படுகின்றது. இம் மரங்கள் வெப்ப மண்டலத்தில் வளரக்கூடியனவாகும். வறட்சியை தாங்கக் கூடியனவாகும். சீதளப்பழம் என்பது மருவி சீத்தாப்பழம் என்றாகியது. இயற்கை தரும் ஐஸ்கிரீம் என்று புகழ்கின்றனர்.  முள் சீதாவானது வெப்ப மண்டலத்தைச் சார்ந்த தாவர இனமாகும். இம்மரம் சுமார் 20 அடி உயரம் வரை வளரக்கூடியதாகும். இதன் பூக்கள் பச்சை கலந்த மஞ்சள் நிறப்பூக்களைக் கொண்டதாகும். பொதுவாக இம்மரம் மே மாதத்தில் பூத்து ஆகஸ்ட் முதல் அக்டோபர் வரை பழம் தருவனவாகும். முள் சீத்தாப்பழங்கள் இதய வடிவம், நீள்வட்டம் அல்லது ஒழுங்கற்ற வடிவங்களில் காணப்படுகிறது. இப்பழம் இனிப்பு கலந்த புளிப்பு சுவையினைக் கொண்டுள்ளது. இப்பழத்தின் உட்புறச் சதையானது வெள்ளை நிறத்தில் கிரீம் போன்று காணப்படும். இதனுள் அடர் பழுப்புநிறம் அல்லது கறுப்பு நிற விதைகள் காணப்படுகின்றன. முள் சீத்தாப்பழத்தில் கால்சியம், இரும்புச்சத்து, பொட்டாசியம், பாஸ்ப

சீனப்பெருஞ்சுவர்(Great Wall of China). உலக அதிசயங்களில் ஒன்றான சீனப் பெருஞ்சுவர் பல சுவாரஸ்யமான தகவல்களையும் செய்திகளையும் கொண்ட நீண்ட தேடலாகவே இருக்கின்றது. சீனப் பெருஞ்சுவர் என்பதற்கு 'நீண்ட நகர் கொண்ட கோட்டை' என்பதே பொருளாகும். மூன்றாம் நூற்றாண்டில் மங்கோலியாவிலிருந்தும் மஞ்ரியாவில் இருந்தும் வந்த காட்டு மிராண்டிகளின் படையெடுப்புகளிலிருந்து சீனப் பேரரசை காப்பதற்காக கட்டப்பட்ட அரணாகும். சீனப் பெருஞ் சுவரானது பாலு நதியருகில் அமைந்துள்ள கொரியாவுடனான எல்லையில் இருந்து கோபிபாலைவனம் வரை 6400கிலோ மீற்றர் வரை நீண்டு செல்கின்றது. இச்சுவரின் சராசரி உயரம் 7.88 மீட்டர். ஒரு சில இடங்களில் இச்சுவர் 14 மீட்டர் உயரம் கொண்டதாக உள்ளது. இச் சுவர் கட்டுவதற்கான பணிகள் கி.மு 208 ஆம் ஆண்டு தொடங்கப்பட்டது. அதன் பின்னர் நடந்த போரினால் கட்டுமானப் பணிகள் இடையில் நிறுத்தப்பட்டது. கி.மு 100இல் ஹான் வம்சத்தவரும் கி.பி 1368 இல் மிங் வம்சத்தினரும் கட்டினர்.  மிங் வம்சப் பெருஞ்சுவர் கிழக்கு முனையில் ஹேபெய் மாகாணத்திலுள்ள கிங்ஹி வாங்கடா வோவில் தொடங்குகிறது. 9 மாகாணங்களையும் 100கவுண்டிகளையும் கடந்து மேற்கு மு

வில்வ பழம்(Bael Fruit). வில்வம் இந்து மத்தில் வில்வம், 'சிவ மூலிகைகளின் சிகரம்' என்றும் 'மும்மூர்த்திகளின் உறைவிடம்' என்றும் சிறப்பாகப் போற்றப்படுகிறது.இது கூவிளம், கூவிளை, சிவத்துருமம், நின்மலி, மாலுரம் எனப் பல பெயர்கள் உள்ளன. பண்டைய நாட்களில் பழங்களின் ராஜா எனப் போற்றப்பட்டதும் வில்வம் பழம்தான். வில்வம், மஹாவில்வம் என இரண்டு வகை உண்டு. ஒரு மரத்தில் ஆண்டிற்கு 400 பழங்கள் வரை கிடைக்கும். வில்வம்பழம் பறித்துப் பார்த்தால் உருண்டையாகவும், ஓடு கடினமாயுமிருக்கும். பார்ப்பதற்கு மங்களான மஞ்சள் நிறத்துடன் கூடியது. அதிக துவர்ப்பான சுவை கொண்டது. வில்வ மரங்கள் இலையுதிர் வகையை சார்ந்ததாகும். முட்கள் காணப்படும் 15m வரை வளரக்கூடியவை.  வில்வ பழத்தில் கால்சியம், பாஸ்பரஸ், வைட்டமின், இரும்பு சத்து, புரதம், கொழுப்பு ஆகிய ஊட்டச்சத்துக்கள் காணப்படுகின்றன. வில்வ பழம் மட்டுமல்ல வில்வமரத்தின் பூ, காய், வேர், பிசின், பட்டை, ஓடு போன்றவைகள் மருந்தாக பயன்படுகின்றன. வில்வ பழத்தின் மருத்துவ குணங்கள் பற்றி பார்ப்போம். குடலை பாதுகாக்கும் உணவுகளில் தலை சிறந்த உணவு வில்வ பழம் ஆகும். வில்வ பழம் நாம் உண்

சார்லி சாப்ளின்(Charlie chaplin). சார்லி சாப்ளின் இவரை திரையில் பார்த்தாலே குழந்தைகள் குதூகலிப்பார்கள். நடிகர், இயக்குநர், இசையமைப்பாளர், திரைக்கதை எழுத்தாளர் என்று எல்லா பரிமாணங்களிலும் வெற்றியடைந்து, வசனம், கதை இன்றி தனது நடிப்பால் சிரிக்கவைத்தவர் இவர். திரையுலகிற்கு நகைச்சுவை பாத்திரத்தை அறிமுகப்படுத்தியுள்ளார். இவரது பெற்றோர் "மியூசிக் ஹால்" கலைஞர்களாவர். சார்லி சாப்ளின் இங்கிலாந்து நாட்டின் லண்டன் என்ற நகரத்தில் உள்ள வால்வோர்த்தில் சார்லசுக்கும் ஹன்னா ஹாரியட் ஹில்லுக்கும் மகனாக பிறந்தார். பெற்றேர்களின் திருமண வாழ்க்கை முறிந்தது. சார்லி தனது தாயின் கண்காணிப்பில் வளர்ந்தார். அவரது அன்னை நாட்டியத்தில் நடிப்பது வழக்கம். 1896இல் ஹாரியட்டிற்கு(சார்லியின் தாய்) வேலை ஏதும் கிடைக்காத நிலையில் சார்லியும் அவரது சகோதரர் சிட்னியும் லாம்பெத் வொர்க்கவுசில் இருக்கும் நிலை ஏற்பட்டது. பின்னர் இருவரும் அநாதைகளுக்கான பள்ளி ஒன்றில் வளர்ந்தனர். இதற்கிடையில் சார்லியின் 12ஆவது வயதில் இவரது தந்தை குடிப்பழக்கத்தினால் உடல் நலம் குன்றி மரணமடைந்தார்.  இதனால் இவரது தாயும் பெரும் மனஉளைச்சலுக்கு உள்ளாக

விளாம்பழம்(Wood apple). தமிழர்களின் பண்பாடு கலாச்சாரங்களில் அன்று முதல் இன்றுவரை மிக முக்கியமான பழம் விளாம்பழம் ஆகும். இதன் தாயகம் இந்தியா. பிறகு பாகிஸ்தான், இலங்கை, தாய்வான், மியான்மர் ஆகிய நாடுகளிலும் விளைவிக்கப்பட்டது. சித்த ஆயுர்வேத வைத்தியத்தில் விளாம்பழம் அதிகம் பயன்படுத்தபடுகிறது. மிழர்களின் பண்பாடு கலாச்சாரங்களில் அன்று முதல் இன்றுவரை மிக முக்கியமான பழம் விளாம்பழம் ஆகும். அதிலும், சித்த ஆயுர்வேத வைத்தியத்தில் விளாம்பழம் அதிகம் பயன்படுத்தபடுகிறது. பலமான ஓட்டுடன் பார்ப்பதற்கு மிக சாதாரணமாகத் தெரியும் விளாம்பழம் பல்வேறு மருத்துவ குணங்களை கொண்டது. காயாக இருக்கும்போது அதன் சதை துவர்ப்பாக இருக்கும். பழுத்தால் துவர்ப்பும், புளிப்பும் கலந்த புது சுவையாக இருக்கும். யானை மிகவும் விரும்பி சாப்பிடும் பழங்களுள் விளாம்பழமும் ஒன்றாகும். இது கோடை காலத்தில் கிடைக்கக்கூடிய ஒரு பழமாகும். விளாம்பழத்தில் இரும்புச்சத்து, விற்றமீன் A, கல்சியம், பொஸ்பரசு, புரதம், நார்ச்சத்து, காபோஹைதரட்டு ஆகிய ஊட்டச்சத்துக்கள் காணப்படுகின்றன. விளாமரத்தின் வேர், இலை, காய், பிசின், பழம் போன்றவை மருத்துவக் குணங்கள் கொண்ட

பப்பாளிப்பழம்(papaya). பப்பாளி அதிக ஊட்டச்சத்துக்களைக் கொண்டு எல்லா காலங்களிலும், விலை மலிவாகவும் எளிதாகவும் கிடைப்பதால் பப்பாளிப்பழம் ஏழைகளின் பழம் என்று அழைக்கப்படுகிறது. பப்பாளியின் தாயகம் மெக்ஸிகோ ஆகும். பப்பாளியானது Caricaceae என்ற தாவரக் குடும்பத்தைச் சார்ந்தது. பப்பாளி மரவகையை சார்ந்ததாகும். பப்பாளியை பறங்கிக்காய் என்றும் அழைப்பார்கள். பப்பாளி பழம் மஞ்சள் சிவப்பு மற்றும் பச்சை நிறங்கள் கலந்து காணப்படுகிறது. பப்பாளியின் இலைகள் கைவடிவத்தில் அகலமாக ஆமணக்கு இலை போன்று காணப்படும். பப்பாளி மரத்தின் தண்டுப்பகுதி நீண்டு, உட்பகுதி குழல் போன்று இருக்கும். இதனால் காற்று காலங்களில் பப்பாளிமரம் எளிதில் உடைந்து விடும். பப்பாளி மரங்கள் களி மண்ணில் வளரக்கூடியனவாகும். மலைப் பகுதிகளில் வளரும் பப்பாளி மரங்கள் அதிகமான உயரத்துடனும், பெரிய காய்களும் காய்க்கும். கனிந்த பப்பாளி மிகவும் இனிமையாக இருக்கும். பப்பாளி விதைகள் கசப்பாக இருக்கும். பார்ப்பதற்கு மிளகு போன்றிருக்கும். பப்பாளியில் ஆண் பப்பாளி, பெண் பப்பாளி மரம் என்று இரண்டு வகை உண்டு. ஆண் பப்பாளி மரத்தில் பூக்கள் வெள்ளை மற்றும் இளம்மஞ்சள் நிறங்களி

நெல்லிக்காய்/பெருநெல்லி(Gooseberry). நெல்லிக்காயின் வரலாறு தமிழ் இலக்கியத்தில் சங்க காலத்தில் இருந்தே பேசப்பட்டு வருகிறது. நெல்லிக்கனியை 2000 வருடத்திற்கு முன்பிருந்தே மக்கள் பயன்படுத்தி வருகிறார்கள்.நெல்லிக்காய் இந்தியா, மத்திய கிழக்கு மற்றும் ஒரு சில தென்கிழக்கு ஆசிய நாடுகளில் வளரும் ஒரு கசப்பான ஆனால் ஊட்டச்சத்து மிகுந்த பழமாகும். சமஸ்கிருதத்தில் அமலாகி என்றும் அழைக்கப்படுகிறது. நெல்லிக்காய் துவர்ப்பு, புளிப்புச் சுவையுடன் இளம் மஞ்சள் நிறத்தில் காணப்படும்.  அருணகிரிநாதர் திருப்புகழில் விஷ்ணுவை கரு நெல்லி நிறத்துடன் ஒப்பிடுவது வியப்பான ஒரு உவமையாகும். ஒருவேளை நெல்லி போல விஷ்ணுவும் நமக்கு ஆரோக்கியம் அருள்வான் என்பதை அருணகிரி நாதர் நமக்குச் சொல்லாமல் சொல்ல நினைக்கிறாரோ!. என்று சொல்லக்கூடிய அளவு ஆரோக்கியத்தினை தருகின்றது நெல்லிக்கனி.  “சிறியிலை நெல்லித் தீங்கனி”  எனப் புறநானூறும் கூறுகின்றன. இதன் மூலம் நெல்லி என்பது தமிழர் உணவில் பல நூற்றாண்டுகளாக இருந்து வந்தது அறியப்படுகிறது.  நெல்லிக்கனியின் மருத்துவக் குணங்களை இந்தியர்களிடமிருந்து கற்று வெளிநாட்டினருக்கு அறிமுகப்படுத்தியவர் ‘இந்தியவி

மாதுளம்பழம்(Pomegranate). மாதுளை என்பது அனைவராலும் விரும்பி உண்ணப்படும் கனியாக இருக்கிறது. பழங்களிலேயே பழமையானது மாதுளை யாகும்.சிறந்த பழமும் மாதுளம்பழம்தான். மஞ்சள், செம்மஞ்சள், இளச் சிவப்பு, கடும்சிவப்பு ஆகிய வர்ணங்களின் கலவையோடு எண்ணெய் தேய்த்து மினுக்கியது போன்றள பர்ப்பதற்கு அழகாக காணப்படுகிறது மாதுளம்பழம். உலகெங்கும் 720 வகை மாதுளைகள் உள்ளன. மாதுளையின் தாயகம் மத்திய கிழக்கு ஆசியா மற்றும் இமயமலையின் அடிவாரப்பகுதி எனக் கருதப்படுகிறது. இப்பழமானது ஆசியா, காகசஸ், வடஆப்பிரிக்கா, மத்தியதரைக்கடல் பகுதி ஆகிய இடங்களில் பண்டைய காலங்களிலிருந்து பயிரிடப்பட்டதாக கூறப்படுகின்றது. சீன நாகரிகத்தில் மாதுளை அதிர்ஷ்டப்பழமாகக் கருதப்படுகிறது.  மாதுளம் பழத்தில்  இனிப்பு, புளிப்பு, துவர்ப்பு ஆகிய மூன்று வகையான  சுவைகள் உள்ளன. இதில் இனிப்பு, புளிப்பு இரண்டு வகை மாதுளையும் உடலுக்கு சிறந்த சக்தியளிக்கும். மாதுளை மரம் 6m முதல் 10m வரை வளரக்  கூடிய செடியாகும். இம்மரம் இலையுதிர் வகையைச் சார்ந்தது. இவற்றின் வேர்கள் ஆழமானவை. மாதுளம் பூக்கள் அழகான சிவப்பு நிறத்தில் மெல்லிய இதழ்களைக் கொண்டவை. மாதுளை பயிர் செய்து ஒ