சுவை தரும் கனி - 02

அன்னாசி(Pineapple).

சாதரணமாக ஒரு மனிதன் சாப்பிடுகின்ற பழமாக தற்காலத்தில் அன்னாசிப் பழம் விளங்குகிறது. அன்னாசி பார்ப்பதற்கு அழகான தோற்றத்திலும் கரடுமுரடான பழமாகவும் காணப்படுகின்றது. 18ஆம் நூற்றாண்டு காலப் பகுதியில் அன்னாசி செல்வந்தருக்கே உரித்தாக காணப்பட்டது. அரை ஆயிரம் ஆண்டுகளுக்கு முன்பு கிறிஸ்டோபர் கொலம்பஸ் என்பவரே அன்னாசி பழத்தை ருசித்த முதல் ஐரோப்பியராவார்.அன்னாசியின் தாவரவியல்பெயர் அனனாஸ்கோமோசஸ் ஆகும்.அரிதாக இருக்கும் இந்தப் பழம் ஐரோப்பியர்களால் அதிகம் விரும்பப்பட்டது. 

பிரேசில் நாட்டின் தென்பகுதி மற்றும் பராகுவே ஆகிய நாடுகளைத் தாயகமாகக் கொண்டது. அன்னாசியில்கல்சியம்,மக்னீசியம்,பொட்டாசியம்,இரும்பு,விற்றமின்C, நார்சத்து, தயமின் ஆகிய சத்துக்கள்கள் காணப்படுகின்றன. அன்னாசி "செந்தாழை"’, "பூந்தாழப் பழம்" என வேறு பெயர்களிலும் அழைக்கப்படுகிறது. இந்தப் பழம் செதில்கள் போன்ற சொரசொரப்பான மேல் தோலையும் சாறு நிறைந்த வெளிர் மஞ்சள் நிறச் சதைப்பகுதியையும் கொண்டது. 100 கிராம் அன்னாசிப்பழத்தில் 88 சதவிகிதம் ஈரப்பதம் காணப்படுகின்றது.

அன்னாசிப்பழத்தில் நிறைய மருத்துவக் குணங்கள் உள்ளன. இன்றைக்குப் பலரையும் பாடாப்படுத்தி வரும் ஒற்றைத் தலைவலி எனப்படும் ஒருபக்க தலைவலியைக் குணப்படுத்த அன்னாசிப் பழத்துடன் தேன் சேர்த்து 40 நாள்கள் தொடர்ந்து சாப்பிட்டு வந்தால், நிவாரணம் கிடைக்கும்.தொண்டைப்புண்,தொண்டையில் சதை வளர்ச்சி, நல்ல குரல் வளம் பெற விரும்புவோருக்கு அன்னாசிப்பழச் சாறு பயனளிக்கிறது. அன்னாசி எமது தசைகள் மற்றும் மூட்டுக்களில் ஏற்படும் எரிசலை குறைக்கின்றது. 

அன்னாசியில் விற்றமின் Cகாணப்படுவதால் அது உடலில் நோய் எதிர்ப்பு சக்தி அதிகரிப்பதற்கு உதவி செய்கிறது. இவ் விற்றமின் Cயின் முக்கிய வேலை உடலில் கொலஜனை உற்பத்தி செய்வதாகும். இதனால் உடலில் ஏற்படும் காயங்கள் விரைவில் குறைவடைகின்றன. வீக்கங்கள் குறைய உதவுகின்றது. குறிப்பாக மூட்டு வீக்கங்கள் உடையவர்கள் வலி, வீக்கம் குறைய இதனை எடுத்துக் கொள்ளலாம்.

அன்னாசியை உட்கொள்வதனால் மலச்சிக்கல் பிரச்சினை தீரும். அன்னாசி பழம் சாப்பிடுவதால் சளி, இருமல் குணமாகும். அன்னாசி பழத்தினில் ஆன்ட்டி ஆக்சிடன்ட்ஸ், பீட்டா கரோட்டின் ஆகிய  இருப்பதால் புற்று நோய் எதிர்ப்பு பழமாக பரிந்துரைக்கப்படுகின்றது. 

அன்னாசியில் டீ தயாரித்து குடிக்கலாம். இது உடல் எடை குறைக்க உதவும் . ஒரு பாத்திரத்தில், 2 டம்ளர் தண்ணீர் ஊற்றி கொதிக்க வைக்க வேண்டும். சிறிது டீ தூள் சேர்த்து கொதிக்க வைத்து, அதனுடன் அன்னாசி பழம், எலுமிச்சம்பழம் ஜூஸ் இரண்டையும் சேர்த்து குளிரூட்டியில் வைத்து விட்டால் போதும். அவ்வப்போது இதை குடித்துவரும்போது, எடை இழப்பு வேகமாக ஏற்படும்.

இத்தனை நன்மைகள் கொண்ட இந்தப் பழத்தில் சில தீமைகளும் உள்ளன. இரத்தத்தில் சக்கரையை அதிகரிக்கும். இயற்கை சர்க்கரையை இது கொண்டிருப்பதால், சர்க்கரை நோயாளிகள் தவிர்ப்பது நல்லது. இப் பழத்தில் காணப்படும் பிரோமிலெய்ன் என்சைம் என்ற வேதிப் பொருள் மாதவிடாய் போக்கினை ஊக்கப்படுத்தும் என்பதால் கர்ப்ப காலத்தில் இப்பழத்தினை தவிர்த்து விடுவது நல்லது. அன்னாசிப் பழத்தை அதிகளவில்ல உட்கொள்ள கூடாது. தினமும் சிறு தூண்டு மாத்திரம்ரம உண்பது உடல் ஆரோக்கியத்திற்கு சிறந்ததாகும்.